nanhi si chiriya

Khud se khafa the hum
Zamaane se the bezaar
Jab hans kar kisi ne mera naam pukaar liya
Chupke se daaman kheencha
Aur pyaar se haath thaam liya

In raaston mein jahaan saaya bhi saath chod deta hai
Ek humsafar jo chup chaap mere saath chalta hai
Mujhse kuch bhi nahin maanga usne
Shaayad kuch tha hi nahin dene ko,
yeh ehsaas tha usse
Bas khamoshi se mere saath ho liya
Chupke se mera daaman kheencha
Aur pyaar se haath thaam liya.

Ek thandi hawaa ke jhonke ke saath
Ek naye khilte phool ki khushboo aayi
Saawan mein pehli boond,
jhoomte garajte baadal nein barsaayi
Ek nanhi si chiriya…kahin se daana chug kar laayi
Mujhe diya…aur kaha…chalo baant lete hain is daane ko
Kayi din se bhookhi ho tum…
muddat hui ,maine bhi kissi ke saath daana nahin baanta

Aur maddham si awaaz mein ek nanha sa geet gungunaya usne
Haule se mera naam pukaara usne
Chupke se daaman kheencha
Aur pyaar se haath thaam liya

Jaane kahan se, ek nanhi si chiriya mere dil mein aayi…